Roald Lapperre en Saskia de Reuver a kòmbersá ku representantenan di ministerio di Enseñansa i direktivanan di skol
Djárason 26 di òktober Roald Lapperre (direktor general di Asuntunan den Reino) i direktor di Paisnan, Saskia de Reuver, a kòmbersá ku representantenan di e ministerio di Enseñansa, Siensia, Kultura i Deporte i direktivanan di skol di Kòrsou.
Riba e plenchi di skol di Cola Debrot School nan a kòmbersá tokante e revishon den enseñansa i e programa di mantenshon di skolnan, pa kua Hulanda a pone 30 mion euro na disposishon. Lapperre i De Reuver a hasi uso di e oportunidat pa tende mas di loke ta biba den e mundu di enseñansa riba e dos tópikonan aki. Tabata un reunion fruktífero kaminda ku por a interkambiá habrí ku otro.
“Ta hendenan ku pashon i ku kurason pa enseñansa”, segun Lapperre i De Reuver na final di e enkuentro.
