Alumnonan Kolegio Erasmo ta tuma despedida temporalmente di nan skol pa trabou grandi di mantenshon
Djaluna 27 di febrüari alumnonan di Kolegio Erasmo a tuma despedida temporalmente di nan skol. E próksimo aña nan ta haña lès den e edifisio kaminda ántes Skol Cola Debrot tabata hubiká, ya asina e edifisio aktual di Kolegio Erasmo por haña mantenshon grandi. Ku gritunan di ‘legria i despues ku pitu e muchanan, nan mayornan i dosentenan a bisa e skol ayó.
E proyekto ‘Mantenshon Atrasá di Skolnan’ ta parti di e Pakete di Pais (tema G) pa kual Hulanda a pone 30 mion euro disponibel. Kolegio Erasmo ta e promé skol ku ta na turno. Despues di esaki ta sigui diferente skol ku den e próksimo añanan ta haña mantenshon grandi. Pa esei ta usa asina yamá skolnan di kambio (wisselscholen), edifisionan di skol ku ta pará bashí, pa skolnan ku mester muda temporalmente durante e trabounan di mantenshon. Cola Debrot ta e promé edifisio ku ta keda usá komo un di e skolnan di kambio aki.
