Astrid Hilgers manager di programa di Tim di pais Kòrsou
Entrante 16 di òktober próksimo Astrid Hilgers ta kuminsá den e funshon di manager di programa di e Tim di pais Kòrsou. Ku esaki e tim di TWO ku ta sostené Pais Kòrsou ku e reformanan ta kompletu trobe.
Astrid tin eksperensia amplio den maneho di programa i ta traha mas ku 20 aña na gobièrnu di estado. Por deskribí Astrid komo un persona ku un bista stratégiko ku ta hasi análisis skèrpi. E ta traha ku bista fihá riba e ophetivo i por definí loke ta importante i kiko nò (hoofd- van bijzaken scheiden). E tin hopi eksperensia ku koperashon interkultural i a krea un antena ku ta dirigí su mes bon riba temanan sensibel ku ta bini na superfisie.
Den su funshon nobo komo Manager di programa serka TWO Astrid ta enkargá ku maneho funshonal di e Tim di Pais Kòrsou. E tim ta sostené Kòrsou ku formulashon, implementashon i mónitòr proyekto i medida for di e Pakete di pais. Astrid: “E parti Karibense di Reino tin un lugá spesial den mi kurason pa hopi aña kaba. Mi ta anhelá pa kolaborá, awor ku Kòrsou, skucha i siña di otro. Esei pa ami ta para sentral”.
Astrid lo ta traha for di Den Haag, pero ta bishitá Kòrsou regularmente ku su miembronan di tim pa kordinashon ku counterparts i mantenshon di relashonnan. E resto di Tim di Pais Kòrsou ta konsistí di dos Konsehero di Pais i un Liaison.