Treinen di Maneho di proyekto pa lider di programa i proyekto di Pakete di Pais na Aruba i Kòrsou

Notisia | 30-01-2024 | 17:30

The Hague Academy for Local Governance a duna un treinen na Aruba i Kòrsou na funshonario di gobièrnu i lider di programa i di proyekto. Ta trata un trayekto di estudio di 9 luna unda partisipantenan ta haña coaching, e dos paisnan ta haña seshonnan di grupo huntu i ta papia ku ekspertonan den region. Ministerio di Asuntunan Interno i Relashonnan den Reino (BZK) pa medio di Organisashon di Trabou Temporal (TWO) a ofresé e treinen aki i paisnan Aruba i Kòrsou a bai di akuerdo ku e oferta. Ku e trayekto aki ta traha riba ‘capacity building’ den e aparatonan gubernamental.

E treinen di tres dia tabata interaktivo, intensivo i tabata dirigí riba e konteksto lokal. Durante di e treinen a para ketu na entre oto e ròlnan den Maneho di proyekto, e teoria, Maneho di stakeholder, struktura di un plan di proyekto i komprondé e dinamismo den un tim. E partisipante por a papia habrí tokante eksperensia, ‘best practice’ i retonan riba e tereno di Maneho di proyekto.

E tim di treinen tabata konsistí di Suzanne Jansen (eksperto na kabes), Edward Erasmus (eksperto i coach Aruba), Vanessa Gomes (coach) i Pablo Aguirre (fasilidadó i mènedjer di e programa di treinen). E konstelashon aki ta un bunita kombinashon di konosementu tékniko, eksperensha for di tantu Hulanda komo e konteksto lokal i práktika.

Seshon interaktivo na Kòrsou