Ekonomia di Kòrsou en relashon ku paisnan chikí den desaroyo den e área di Karibe
“E habitantenan di Kòrsou ta gosa di un standart di bida relativamente haltu ku ta komparabel ku, i asta un tiki mas mihó ku, esun di e paisnan den desaroyo. E konektividat di internet na Kòrsou tambe ta rasonablemente bon kompará ku otro estadonan chikitu.” Esaki ta parti di e konklushonnan den e rapòrt 'E ekonomia di Kòrsou en relashon ku otro estadonan insular chikitu' ku a ser redaktá dor di profesor Roger Hosein di e Universidat di West Indië, despues di investigá e struktura makro-ekonómiko di e ekonomia di Kòrsou en komparashon ku otro paisnan chikitu ku ta desaroyando, konosí tambe komo Small Island Developing States (SIDS).
Meta di e investigashon aki ta pa logra un mihó bista riba e potensial ekonómiko ku ainda no a ser eksplotá di Kòrsou en komparashon ku otro SIDS, i kon pa duna kontenido na esaki. For di e diferente konklushonnan ku a sali for di e rapòrt a duna Pais Kòrsou rekomendashon den kuadro di posibilidat di invershon i den kua kondishon mester traha maneho ekonómiko A mira tambe intervenshonnan ekonómiko den otro SIDS ku ta desaroyando pa asina realisá kresementu i desaroyo di Kòrsou. Konseho di Minister a tuma nota di e rapòrt i e minister di Desaroyo Ekonómiko ta dediká su mes na e ehekushon di e rekomendashonnan priorisá. Den kuadro di ehekushon di e Pakete di Pais TWO lo duna sosten kaminda esaki ta nesesario.
Algun konklushon i rekomendashon
Enseñansa trans-nashonal
E investigashon ta duna un imágen di e importansia di enseñansa trans-nashonal, universidatnan internashonal na Kòrsou pa e ekonomia di Kòrsou. E kontribushon di e studiantenan, miembronan di fakultat i bishitanan di famia ta kontribuí hopi na nos ekonomia. "E ekspektativa ta ku Kòrsou, den kuadro di e Strategia Nashonal di Eksportashon, lo sigui stimulá e ekonomia den e direkshon aki", segun e rapòrt. Kòrsou ta ser stimulá pa enfoká mas riba e sektor aki i konsiderá e establesimentu di dos universidat médiko off-shore grandi. Tambe e aktividatnan turístiko positivo, manera hotèlnan nobo, ta kontribuí na e desaroyo ekonómiko.
Zona Franko
Den e rapòrt ta konkluí ku Zona Franko ta usa mas divisa ku loke e ta generá. Ta rekomendá pa investigá den futuro si tin espasio pa introdusí aktividat di produkshon ku por lo ménos ta sostené e ekonomia di Kòrsou. Ta sugerí un ampliashon ku produktonan agríkola pa suministrá na e sektor turístiko ku ta kresiendo.
Tep pa lesa:
- The Curaçaoan economy in relation to other small island states (E ekonomia di Kòrsou en relashon ku otro estadonan insular chikitu)