Riba kaminda pa sistema sosial, sigur i duradero di seguridat sosial
Riba petishon di Pais Kòrsou i Hulanda Economisch Bureau Amsterdam (EBA), SEO Economisch Onderzoek (SEO), De Beleidsonderzoekers i IndigoBlue a hasi investigashon di e sistema sosial di Kòrsou. For di e investigashon a sali algun proposishon. For di e di sinku parti di e rapòrt parsial a presentá i resumí proposishonnan di mehorashon ku ta haña prioridat riba término kòrtiku, medio i largu. E proposishonnan ta dirigí riba ménos pobresa, mas seguridat di entrada i garantisá ku e entrada di prima ta sufisiente pa paga gastu (betaalbaarheid).
Reto
E sistema sosial aktual di Kòrsou no ta sufisiente riba partinan hopi importante. Algun problema lo bira pió dor di envehesimentu i migrashon si no tuma medida:
- No tin sufisiente sosten di entrada pa hendenan ku pèrdè nan trabou òf ta dependé solamente di ònderstant òf AOV;
- No tin sufisiente guia i stimulashon pa persona ku ta kobra ònderstant pa trabou;
- Dor di desempleo haltu i envehesimentu tin mas i mas hende ku ta dependé di e sistema di seguridat sosial;
- No por sigui mantené e sistema di seguridat sosial den su forma aktual; Banko di Seguro Sosial (SVB) no tin sufisiente entrada pa por paga benefisio sosial.
Ophetivo
Pa por enfrentá e problemanan aki riba término kòrtiku e investigadónan a bin ku algun proposishon:
- Ménos pobresa;
- Mas hende ta traha;
- Mas seguridat di entrada;
- Stimulá kresementu ekonómiko duradero;
- Seguridat ku tin sufisiente entrada di prima pa paga gastunan awor i den futuro.
Proposishon ku ta haña prioridat
Gobièrnu di Kòrsou i partner sosial ta studia e proposishonnan den e tempu benidero.