Entrega di yabi Kolegio Erasmo despues di trabou di mantenshon atrasá
Djamars 14 di mei 2024 a entregá e di tres skol, Kolegio Erasmo, den e proyekto di Mantenshon na Skol. Minister Sithree van Heydoorn di Enseñansa tabata presente pa entreg. E tabata tin e honor di entregá e yabi nobo na e Direktiva di skol.
Liaison Michiel van der Veur a papia di parti TWO
“Un edifisio eskolar ta muchu mas ku algún muraya, porta, bentana i un dak. Ta un lugá kaminda muchanan ta hunga, siña i di un manera ‘spelenderwijs’ ta siña e habilidat nesesario pa por funshoná kompletamente den nos komunidat. Sekretario di Estado Alexandra van Huffelen a enfatisá e ròl importante aki di un edifisio eskolar ku un mucha ta siña mihó den un bon edifisio.
Mas ku klaro lo nos no ta akinan pará sin e trabou duru di Ludwig Alberto i tur demas miembro di su grupo di trabou, e tim di kontratista, opzichter i proveedónan i tambe minister ku su konseheronan. Mi ke yama boso tur danki di kurason pa e trabou duru i ta impreshoná di e resultado.
Mi ke felisitá e alumnonan i direktor di Kolegio Erasmo ku nan alohamento renobá. Boso a pasa den un periodo intrankil ku mudansa i alohamentu temporal. Si mi wak rondó di mi boso lo tin bon resultadonan eskolar i bunita rekuerdo. Mashá pabien i mashá danki!”
Hulanda a pone 30 mion euro disponibel pa hasi trabounan di mantenshon atrasá na algun skol. Ta pasa e sèn den fase, asina yamá ‘tranches’. Den e promé ‘tranche’ a drecha tres skol: Cola Debrotschool, prof. Dr. Nelly Winkelschool i komo último Kolegio Erasmo. Den e di dos fase lo drecha 9 skol. E trabounan aki ta den preparashon. Despues ta sigui e di tres fase.
