Tur ministerio i Auditdienst Rijk den seshon pa drecha maneho finansiero di Pais Kòrsou
Auditdienst Rijk (ADR) tabata di bishita na Kòrsou. Durante di e bishista e representantenan di ADR a hiba kòmbersashon ku tur ministerio di Pais Kòrsou tokante e trayekto pa drecha e maneho finansiero di pais.
Kòrsou a pone komo meta pa drecha maneho finansiero di pais. Un bon maneho finansiero ta forma un base importante pa un bon maneho gubernamental i finansa gubernamental sano. Pa esaki tin diferente trayekto ta kana den kuadro di e Pakete di Pais pa drecha e kalidat di proseso finansiero i e kontrolabilidat (controleerbaarheid) di e informashon finansiero. Ministerionan a tuma diferente paso den e último lunanan pa entregá informashon pa e relato finansiero anual 2023 na tempu, ku e meta pa hasi e tempu di entraga i di kòntròl hopi mas kòrtiku. Durante di e seshonnan a formulá akshon ku e meta pa sigui drecha e kontrolabilidat di informashon finansiero den 2024.
