Di tres Counterpartdagen TWO
“Kompartí konosementu ta punta di lansa di Counterpartdagen”
Organisashon di Trabou Temporal (Tijdelijke Werkorganisatie) pa di tres biaha a organisá Counterpartdagen. Ku Counterpartdagen TWO ke stimulá interkambio di konosementu entre e Paisnan. E biaha aki e enkuentro di tres dia a tuma lugá na Kòrsou.
Durante e dianan interaktivo partnernan di kolaborashon for di Aruba, Kòrsou i Sint Maarten i TWO a para ketu na e ekprerenshanan un aña despues di a firma e akuerdo mutuo Kolaborashon ora di reforma, e desaroyo di agènda di ehekushon i e medionan pa monitoriá i evaluá proyektonan na un manera efisiente. Tambe a tuma tempu pa kompartí konosementu ku un treinen tokante maneho di kambio, reforsá funshon di legislashon di e tres paisnan i un charla di Banko Mundial tokante eksperensia optené den entre otro Sint Maarten riba tereno rekonstrukshon i fortifikashon di resilensia.
John de Lannoy di Komishon Nashonal di Reforma di Kòrsou
“E paisnan individual ta traha duru na implementashon di diferente reforma den e temanan di e Pakete di Pais. Durante e último añanan tabata tin diferente éksito i a haña hopi eksperensha. Pero na mes momentu e paisnan a konosé vários reto, loke ta konektá na reformanan grandi. Durante Counterpartdagen ta resultá kada bes ku nos por siña di otro su éksito- i retonan. Kompartí konosementu ta un punta di lansa den e dianan aki. Durante di e Counterpartdagen anterior a duna di konosé ku a base di eksperenshanan kompartí e nesesidat pa mehorá e medio- i reportahenan. Despues di esaki e organisashonnan di ehekushon di e kuater paisnan huntu a desaroyá formato i medio nobo pa e Agènda di Ehekushon i e Reportahe di Ehekushon. Ta introdusí e formatonan nobo aki entrante e siguiente siklo di ehekushon. E renobashon aki tabata un tópiko importante durante Counterpartdagen. Komishon Nashonal di Reforma di gobièrnu di Kòrsou ta satisfecho ku e enkuentro.”
Indra Zaandam di Organisashon di Trabou Temporal Aruba:
“Tin un rikesa na variedat i diversidat den Reino. Esei ta nos forsa komo paisnan. Tabata hopi bentahoso pa hiba e kombersashon ku otro i haña bista ki’ e diferensha- i similaridatnan ta entre e paisnan. Danki na Counterpartdagen a sali na kla un biaha mas ku si konhunto nos hasi uso di oportunidat a base di propiedat, esaki lo kondusí na un Reino mas resiliente. Organisashon Temporal di Aruba ta mira bèk riba un enkuentro eksitoso.”
Eunelda Cairo na nòmber di Pais Sint Maarten
“E kolaborashon entre TWO i gobièrnu di Sint Maarten a konosé éksito- i retonan. Por konta e afiliashon di Pakete di Pais na e National Development Vision di Sint Maarten komo un di e éksitonan. Counterpartdagen ta krea e posibilidat pa interkambiá di pensamentu i tambe hiba diskushonnan sensibel. Ademas e dianan aki no ta fortifiká solamente e kolaborashon, pero tambe e ta demostrá ku e paisnan den Reino por traha huntu i den koherensia ku desaroyo general di e Paisnan. Sint Maarten ta mira e dianan aki komo un éksito i nos ta anhelá e siguiente Counterpartdagen.”
