Agènda di Implementashon i Relato di Ehekushon Paketenan di Pais Aruba, Kòrsou i Sint Maarten den bachi nobo
Promé Ministernan di Aruba, Kòrsou, Sint Maarten i Sekretario di Estado di Relashonnan den Reino Zsolt Szabó a manda e Agènda di Ehekushon i Relato di Ehekushon riba Paketenan Pais nobo pa Parlamentonan i Tweede Kamer. E dokumento aki ta hinká den un bachi nobo.
Mihó bista riba planifikashon i progreso
E Agènda di Implementashon i e Relato di Implementashon periodikente ta duna un bista riba e planifikashon i progreso di e reformanan den e Paketenan Pais. Esakinan antes tabata dos dokumento separá, awor nan ta kombiná. Di e manera aki, e planifikashon i progreso ta bira visibel pa e lesadó. Ademas a elaborá mihó e ophetivonan pa kada tema pa asina sali na kla kiko eksaktamente nos ta trahando riba dje. Tambe ta pone bon kla kon e reforma ta relashoná ku e maneho nashonal di Aruba, Kòrsou i Sint Maarten. Mas aleu e dokumento ta duna un bista riba kada tema i por mira e resultadonan ku a alkansá kaba. Den e último añan a hasi hopi trabou kaba.
Kolaborashon entre Aruba, Kòrsou, Sint Maarten i Hulanda
A krea e estilo nobo dor di kolaborashon intensivo entre Aruba, Kòrsou, Sint Maarten i Hulanda. E Agènda di Implementashon ta kubri e periodo di sèptèmber 2024 pa mart 2025. E komponente di e reportahe ta konserni e progreso di e reformanan den e ultimo lunanan. E siguiente edishon lo aparesé na komienso di aprel 2025.