Trese eksperto i profeshonal huntu ku ta trahando riba un futuro sostenibel di estadonan insular

Notisia | 30-01-2025 | 21:46

Propósito kla

“Nos propósito ta kla: pa trese huntu ekspertonan i profeshonalnan ku ta traha riba un futuro sostenibel di estadonan insular. I pa kompartí konosementu, bini ku ideanan, i konstruí konekshonnan den henter Karibe i Reino Hulandes. Pa guia nos kombersashonnan, nos a skohe e kuadro di Estadonan Chikitu den Desaroyo (SIDS). E ta hopi relevante pa Aruba, Kòrsou i Sint Maarten, i e ta duna nos un fundeshi internashonalmente rekonosí pa konstruí riba dje. E por ofresé un vishon i aserkamentu kompartí pa konstruí ekonomianan resiliente. Durante e próksimo dianan, nos ta aki pa fortalesé asosiashonnan, lanta ideanan inovativo, i identifiká áreanan pa oumentá kolaborashon. Nos meta ta pa konkluí ku un deklarashon kolektivo i algun paso kla pa den futuro”, segun Lennard Nijenhuis, Konsehero Kordinadó Kòrsou di Organisashon di Trabou (TWO)

Desishon basá riba echo

Minister Heyliger – Marten a identifiká un kondishon importante pa konstruí un ekonomia fuerte den futuro.

“Nos mester sa nos destinashon i mapa nos ruta pa yega einan. Desishonnan mester ta basá riba echo i no suposishon. Usando un aserkamentu basá riba dato pa tuma di desishon i ekstendé mas leu ku polítika pa tuma akshon klave ku lo sostené e futuro di e hendenan di nos paisnan.”

TWO a hasi e evento posibel i a krea esaki den estrecho kolaborashon ku Departamento di Asuntonan Ekonómiko, Komersio i Industria (DEZHI) di Aruba, Ministerio di Desaroyo Ekonómiko di Kòrsou i Ministerio di Turismo, Asuntonan Ekonómiko, Transporte i Telekomunikashon di pais anfitrion Sint Maarten.