Resúmen Plan di Ehekushon - Enseñansa - Desaroyo kontinuo di Aplikashon di Enseñansa Sentral Nashonal (Centraal Landelijke Onderwijsapplicatie) (CLOA)

E sistema edukashonal na Kòrsou, riba tereno di enseñansa di fundeshi, enseñansa avansá i enseñansa superior, ta konfrontá un defisiensia den kolekshon di informashon i interkambio di dato, loke ta resultá den datonan inkonfiabel, pesonan atministrativo haltu i insufisiente bista riba prestashon di alumno i di personal di skol. E falta di un sistema di registrashon pa registrá e datonan nesesario di tereno di enseñansa korektamente, tabata stroba tomo di desishon efektivo, maneho i dunamentu di prioridat efisiente na ministerio di Enseñansa, Kultura i Deporte i un konekshon stratégiko ku otro ministerionan.

For di e midimentu di e situashon di salida di e sistema edukativo kurasoleño a sali e proposishon pa desaroyá un sistema di registrashon duradero. Desaroyo (kontinuo) di CLOA ta un proyekto parsial den e programa gubernamental ‘Digitalisashon Enseñansa Kòrsou’.