E Organisashon di trabou temporario (Tijdelijke Werkorganisatie, TWO) ta un organisashon, ku bou di òrdu di ministerio di Asuntunan Interior i Relashon den Reino ta sostené e reformanan palabrá na Aruba, Kòrsou i Sint Maarten.
Organisashon di trabou temporario (TWO)
Ministerio di Asuntunan Interior i Relashon den Reino a lanta TWO pa sostené Aruba, Kòrsou i Sint Maarten ku e reforma- i medidanan huntu ku e ministerionan hulandes, ku ta suministrá perisia di kontenido.
Huntu ku kada pais TWO ta formulá un agènda di ehekushon pa duna kontenido na e paketenan di pais. Ta aktualisá e Agèndanan di Ehekushon aki periódikamente. TWO i e paisnan ta publiká un Reportahe di ehekushon periódikamente tokante e ehekushon di e medidanan, proyektonan i programanan i periódikamente presentá un reportahe di ehekushon.
Organisashon
Den TWO tin un sekshon yamá Paisnan ku tin tres tim di programa: Aruba, Kòrsou i Sint Maarten. E timnan di programa tin komo tarea pa sostené e desaroyo i ehekushon di proyekto, programa i medida di órgano di gobièrnu i kompania di gobièrnu di e paisnan den relashon ku e tópikonan deskribí den un Pakete Nashonal. E timnan aki ta traha parsialmente na Hulanda (por ehèmpel pa deliberashon ku ministerio hulandes) i na e paisnan. Banda di e sekshon Paisnan tin un staf chikitu.
Ubikashon
TWO ta traha for di Aruba, Kòrsou i Sint Maarten. Na Den Haag tin prinsipalmente palabrashonnan ku ministerionan hulandes. Nan ta trese perisia relashoná ku kontenido pa e trayektonan di reforma. Den e paisnan tin sosten di e proyektonan ku ta kanando.