Kòrsou

Riba 2 di novèmber 2020 Kòrsou i Hulanda a firma e areglo mutuo pa e ehekushon di e Pakete Nashonal Kòrsou. Ku e ratifikashon di e areglo aki a habri kaminda pa e realisashon di un skala amplio di reforma i invershon. Ta trata por ehèmpel di reforma ekonómiko pa realisá un ekonomia kombativo, dinámiko i fleksibel na Kòrsou.Tambe a inkorporá mehorashon pa e sistema di kuido i enseñansa den e Pakete Nashonal.

Pakete Nashonal

Hulanda a firma un areglo mutuo pa e ehekushon di e Pakete Nashonal tantu ku Aruba i Kòrsou komo ku Sint Maarten. P’esei awor ta posibel pa realisá un skala amplio di reforma i invershon. Esakinan mester kontribuí na e resistensia i fleksibilidat di ekonomia i komunidat. Un ekonomia i komunidat ku tambe tin mihó resistensia kontra ku oportunidatnan nobo pa siudadano i kompania.


Den e Pakete Nashonal a inkluí medidanan den e siguiente áreanan:

  • Maneho finansiero
  • Gastunan i efektividat den sektor públiko
  • Impuesto
  • Sektor finansiero
  • Ekonomia
  • Kuido
  • Enseñansa
  • Fortalesé estado di derecho.

Gobièrnu di Kòrsou a firma un areglo mutuo ku Hulanda. E areglo aki ta mara gobièrnu di Kòrsou na implementashon di e medidanan stipulá den e pakete di pais. Ta elaborá riba e palabrashonnan den e Agènda di Ehekushon. Ta aktualisá esaki periódikamente (riba e página di Agènda di Ehekushon di e Pakete Nashonal ta haña e último vershon).

Agènda di Ehekushon

E tema- i medidanan den e paketenan di pais ta wòrdu detayá periódikamente pa kada pais den e Agèndanan di Ehekushon. Den e Agènda di Ehekushon ta stipulá kua ta e stapnan ku ta bai tuma pa realisá e reformanan i invershonnan. 

Den e Agènda di Ehekushon a pone prioridat i a nombra e akshonnan mas konkretamente posibel. Ta trata di akshon ku ta pas serka e situashon lokal. Tin un enfoke paso a paso i ku un partishon den fase kla. E Agènda di Ehekushon no ta sin kompromiso. Kòrsou i Hulanda a komprometé nan mes pa pone e pasonan ku ta palabrá. E minister di Asuntunan General huntu ku Sekretario di Estado di Asuntunan Interno i Relashon den Reino ta determiná e Agènda di Ehekushon.

E Agènda di Ehekushon ta un dokumento bibu. Kada paso ku pone den e tempu binidero, ta kontribuí na e pasonan ku ta sigui. P’esei ta revisá e agènda regularmente i asina e lo bira mas i mas konkreto (wak riba e página di Agènda di Ehekushon di e Pakete Nashonal pa e lastu vershon).

Plan di ehekushon

E paisnan ta bai mas den detaye di e agèndanan di ehekushon den e plannan di ehekushon. Den un plan di ehekushon mester respetá e kuadro ku tin stipulá den e pakete di pais i den e agènda di ehekushon. Akiden ta elaborá mas riba e diferente proyektonan, programa- i medidanan den logronan, indikadónan krítiko di prestashon, presupuesto i un paragraf tokante riesgo. Tambe tin palabrashon tokante kon e kooperashon entre e paisnan lo ta den kuadro di implementashon di medida i kiko ta e sosten ku Hulanda ta suministrá.

Lesa e resúmennan di e plannan di akshon di Kòrsou.

Raportahe di ehekushon

Kòrsou i Hulanda ta mónitòr e progreso di ehekushon di e Agènda di ehekushon. E palabrashonnan tokante e resultadonan den un Agènda di ehekushon ta forma e base riba kua ta huzga e progreso. Si resultá ku no por logra alkansá e palabrashonnan, por yega na un solushon pa esaki. Por ehèmpel ku èkstra refuerso for di Hulanda. E informashon ku ta mónitòr ta bin den e Reportahe di ehekushon. Meskos ku e Agènda di Ehekushon ta suministrá esaki periódikamente. Lesa e último vershon riba e página di Agènda di Ehekushon.