E midimentu di e situashon na salida di Burokrasia i Kosto pa Hasi Negoshi di 2021, hasí segun metodologia di Banko Mundial, a duna e siguiente resultadonan. Pa loke ta trata Burokrasia, e nesesidat di:
- Informashon i transparensia konkreto, koherente i kompleto, pa loke ta trata lei i regulashon pa empresanan;
- Efisiensia interno mas mihó den seno di gobièrnu, pero tambe serka partnernan di kadena, manera Kámara di Komersio i Industria i notarionan pa medio di entre otro digitalisashon. Diferente ministerio i partnernan di kadena ta trahando duru riba esaki. Un punto di atenshon ta outorisashon di firma digital, práktikamente e último akshon ku lo hasi prosesonan kompletamente digital;
- Mihó kòntròl i kumplimentu ku lei i regulashon.
Pa loke ta trata ‘kosto pa hasi negoshi’ e resultadonan tabata ku esakinan (pa loke ta trata utilidat i bien inmóbil) práktikamente no tabata signifikantemente mas haltu na Kòrsou ku den e paisnan kompetidor rònt di dje. Di un banda redukshon di gastu pa medio di mas efisiensia den sektor públiko ta kai bou di e tema ‘gastunan i efektividat di sektor públiko’ den e Agènda di Implementashon. Di otro banda rònt mundu punto di salida ta, ku por baha gastunan operashonal konsiderablemente (30%) i oumentá rendimentu di invershon konsiderablemente pa medio di mehorashon di efisiensia i inovashon serka empresanan i eksportashon, pa kua motibu a skohe pa enfoká e komponente aki di e programa riba esaki. Un punto di atenshon relashoná ku tantu burokrasia komo kosto di hasi negoshi, ta si ku e prosesonan via notarionan mester ta mas rápido i mas barata pa bira kompetitivo.